Plantun de Prouvènço

Pèr coumpara dos planto d'encò nostre

Streptopus amplexifolius & Campanula rotundifolia subsp. rotundifolia

Cachet-de-Salamoun(-di-fueio-embrassanto)

Streptopus amplexifolius

Liliaceae

Noms en français : Sceau-de-Salomon noueux, Streptope à feuilles embrassantes.

Descripcioun :
Aquéu cachet-de-Salamoun dóu gènre Streptopus douno d'èr à l'erbo-de-la-roumpeduro. Pamens eici li tijo soun ramificado emé de fueio embrassanto. Li pichòti flour blanco, pourtado pèr un pecou torse, se vèson souto li fueio. Li fru soun roujo e noun pas blu coume li de l'erbo-de-la-roumpeduro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Streptopus
Famiho : Liliaceae

Ordre : Liliales

Coulour de la flour : Blanco
Petalo : 6
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 800 à 2300 m
Aparado : Noun
Jun à juliet

Liò : Rocas - Bos - Prado à rousèu
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Streptopus amplexifolius (L.) DC., 1805

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.